थप ११ सय २६ जनाले जिते कोरोना, निको हुनेको संख्या करिब ६९ हजार

काठमाडौँ, २१ असोज । नेपालमा थप गत २४ घण्टामा थप १ हजार १ सय २६ जनाले कोरोना जितेका छन् ।

वुधबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा थप १ हजार १ सय २६ जना संक्रमणमुक्त भएको जानकारी दिएका छन् ।

योसहित निको हुनेको संख्या ६८ हजार ६ सय ६८ पुगेको छ ।

पछिल्लो २४ घण्टामा थप ३ हजार ४ सय ३९ जनामा कोरोना देखिएसँगै संक्रमितको संख्या ९४ हजार २ सय ५३ पुगेको छ ।

हाल देशभर २५ हजार ७ जना सक्रिय संक्रमित रहेका छन् । पछिल्लो २४ घण्टामा थप १५ जनाको कोरोना संक्रमितको मृत्यु भएको छ ।
यससँगै मृतकको संख्या ५ सय ७८ जना पुगेको छ ।