थप ११ कोरोना संक्रमितको मृत्यु, मृतकको संख्या ५२० नाघ्यो

काठमाडौँ, १६ असोज । नेपालमा कोरोनभाइरस संक्रमणका कारण गत २४ घण्टामा थप ११ जनाको मृत्यु भएको छ ।

शुक्रबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा विभिन्न जिल्लाका थप ११ कोरोना संक्रमितको मृत्यु भएको जानकारी दिएका छन् ।

यससँगै मृतकको संख्या ५ सय २० पुगेको छ ।

शुक्रबार देशभर थप २ हजार ७ सय २२ जनामा कोरोना संक्रमण देखिएको मन्त्रालयले जनाएको छ । त्यस्तै, थप ३ हजार ३ सय ७ जना उपचारपछि संक्रमणमुक्त भएका छन् ।