थप ८ कोरोना संक्रमितको मृत्यु, मृतकको संख्या ४६७ पुग्यो

काठमाडौँ, १० असोज । नेपालमा कोरोनभाइरस संक्रमणका कारण गत २४ घण्टामा थप ८ जनाको मृत्यु भएको छ ।

शनिबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा विभिन्न जिल्लाका थप ८ कोरोना संक्रमितको मृत्यु भएको जानकारी दिएका छन् ।

यससँगै मृतकको संख्या ४ सय ६७ पुगेको छ ।

शनिबार देशभर थप १ हजार २ सय ७ जनामा कोरोना संक्रमण देखिएको मन्त्रालयले जनाएको छ । त्यस्तै, थप १ हजार १ सय ४७ जना उपचारपछि संक्रमणमुक्त भएका छन् ।