काठमाडौँ, ४ असोज । काठमाडौँ उपत्यकामा थप ७ सय ६७ जनामा कोरोनाभाइरस संक्रमण पुष्टि भएको छ ।
आइतबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा काठमाडौँमा ६ सय २, ललितपुरमा ६४ र भक्तपुरमा १०१ गरी उपत्यकामा ७ सय ६७ जनामा संक्रमण पुष्टि भएको जानकारी दिए ।
त्यस्तै, उपत्यकामा थप ६ जनाको मृत्यु भएको छ । मृत्यु हुनेमा ललितपुर र भक्तपुरमा एक एक जना र काठमाडौँमा एक महिलासहित ४ जना रहेका छन् ।
उपत्यकामा शनिबार ७ सय ११ जनामा संक्रमण देखिएको थियो ।
देशभर आइतबार थप १ हजार ३ सय २५ जनामा संक्रमण पुष्टि भएको मन्त्रालयले जनाएको छ । हालसम्म कोरोनाका कारण ४ सय १ जनाको मृत्यु भइसकेको छ ।
प्रतिक्रिया
सम्बन्धित
सिफारिस