– सुशिल नेपाल
पाल्पा ५ चैत । विद्यालय शिक्षाको अन्तिम परीक्षा मानिने एसएलसी परिक्षा विहीबारबाट देशभर शुरु भएको छ । एसएलसी परीक्षाको पहिलो दिन विहीबार विद्यार्थीहरुले अनिवार्य अंगे्रजी विषयको परिक्षा दिएका छन् ।
विहान ८ बजेदेखि ११ बजेसम्म भएको पहिलो दिनको परीक्षा पाल्पा जिल्लामा शान्तिपुर्ण भएको जिल्ला शिक्षा कार्यालय पाल्पाले जनाएको छ ।
शिक्षा कार्यालयका अनुसार पहिलो दिनको परीक्षामा पाल्पा जिल्लामा १ सय १६ विद्यार्थी अनुपस्थित भएका छन् । जसमा २० जना नियमित र ९६ जना आँशिक गरी जम्मा १ सय १६ जना अनुपस्थित रहेका हुन ।
जम्मा ५ हजार ७ सय ९० जनाले फाराम भरेकोमा ५ हजार ६ सय ७५ जना विद्यार्थी मात्र उपस्थित भएका हुन । जिल्लाको दर्लमडाँडा उमावि स्रोत केन्द्रमा सवै बिद्यार्थी उपस्थित रहे भने महेन्द्रबोधी उमाविमा सबैभन्दा बढी अनुपस्थित रहे ।
नियमित तर्फ ४ हजार ५ सय ८९ र आँशिक तर्फ १ हजार ८६ बिद्यार्थी उपस्थित रहेका थिए । २३ वटा केन्द्रमा चलेको परीक्षा शान्तिपुर्ण र मर्यादित रुपले सम्पन्न भएको जिल्ला शिक्षा अधिकारी टोपबहादुर श्रेष्ठले बताए ।
प्रतिक्रिया