काठमाडौँ उपत्यकामा थपिए ४०८ कोरोना संक्रमित

काठमाडौँ, २० भदौ । काठमाडौँ उपत्यकामा थप ४ सय ८ जनामा कोरोनाभाइरस संक्रमण पुष्टि भएको छ ।

शनिबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा काठमाडौँमा ३ सय २६, ललितपुरमा ३७ र भक्तपुरमा ४५ गरी उपत्यकामा ४ सय ८ जनामा संक्रमण पुष्टि भएको जानकारी दिए ।

उपत्यकामा शुक्रबार ४५४ जनामा संक्रमण देखिएको थियो ।

देशभर शनिबार थप १ हजार ४१ जनामा संक्रमण पुष्टि भएको मन्त्रालयले जनाएको छ ।