को–को लड्दैछन माधव र केपीको टिमबाट ?

राजेन्द्र श्रेष्ठ

काठमाडौं । नेकपा एमाले नवौं महाधिवेशनमा होमिएको छ । देशभर प्रतिनिधि चयन क्रम सुरु भएको छ । राजधानीमा गुटगत भेलाहरु जारी रहँदा महाधिवेशनमा भिड्न नेताहरु टिम बनाउन व्यस्त हुन थालेका छन् ।

आसन्न नवौं महाधिवेशनमा अध्यक्षमा संसदीय दलका नेता केपी शर्मा ओली र वरिष्ठ नेता माधवकुमार नेपाल भिड्ने पक्कापक्की छ । ओलीको उम्मेदवारी केही दिन अघि घोषणा भइसकेको छ । ओली समूहका तर्फबाट वरिष्ठ उपाध्यक्षमा वामदेव गौतम र महासचिवमा इश्वर पोखरेल उठ्ने तय भइसकेको छ । अन्य पदमा भने छलफल जारी छ । तर, अहिलेसम्मको छलफलमा विधानमा वरिष्ठ उपाध्यक्षको व्यवस्था नहुने देखिएकाले वरिष्ठ उपाध्यक्ष बन्ने गौतमको सपना पूरा नहुने भएको छ ।