काठमाडौँ, २० जेठ । कांग्रेसका ८ सांसदहरुले संघीय सचिवालयमा संविधान संशोधनको विधेयक दर्ता गराएका छन् ।
मंगलबार संशोधन दर्ता गराउन जाने सांसदहरु प्रदीप गिरी, उमाकान्त चौधरी, अमरेशकुमार सिंह, तेजुलाल चौधरी, चित्रलेखा यादव, अभिशेकप्रताप शाह, नमिता चौधरी र पद्मनारण चौधरी रहेका छन् ।
राजपा र समाजवादीले संशोधन दर्ता गराएपछि तराइको भूमिको प्रतिनिधित्व गर्न कांग्रेस सांसदले विधेयक दर्ता गराएका हुन् ।
केन्द्रीय समितिको निर्णयअनुसार नै संशोधन दर्ता गराइएको सांसदहरुले बताएका छन् ।
कांग्रेस पार्टी सभापति शेर बहादुर देउवाकै सल्लाहमा संशोधन दर्ता गराएको सांसदहरुले जनाएका छन् । उनीहरुले तत्कालीन कांग्रेस नेतृत्वकै सरकारले अघि बढाएको विधेयकमा उल्लेखित बिषयभन्दा फरक समानुपातिक समावेशीको बिषय थपेका छन् ।
समावेशी प्रतिनिधित्वका स्थानमा समानुपातिक शब्द थप गरिएको छ । विधेयकमा कांग्रेसको सीमाना हेरफोर, नागरिकता, भाषा र राष्ट्रिय सभाको प्रतिनिधित्वको बिषयमा संशोधन हालेको थियो । अहिले संशोधनमा ती सबै बिषय हूबहु राखिएका छन् ।
प्रतिक्रिया