त्रिभुवन बिमानस्थल खुलाउन भारतले गुहार सुन्यो, तर उपकरण अझै पठाएन

त्रिभुवन अन्तर्राष्ट्रिय विमानस्थलको धावनमार्गमा अडकिएको जहाज हटाइदिन भारतीय पक्ष सहमत भए पनि भारतीय वायु सेनाको जहाज कतिबेला काठमाडौँ आइपुग्ने भन्ने अन्यौल छाएको छ ।

‘नेपाल र भारत सरकारबीचको कुराकानीपछि एयरक्राफ्ट रिमुभल किट (जहाज हटाउने उपकरण) मुम्बईबाट दिल्लीमा ल्याइएको छ । त्यो भारतीय वायु सेनाको जहाजबाट अहिले काठमाडौँ ल्याउने तयारी गरेका छौँ । त्यहाँको एयरपोर्टले अनुमति दिनसाथ भारतीय वायु सेनाको जहाज काठमाडौँ आइपुग्छ ।’- त्रिभुवन बिमानस्थलका अपरेशन डाइरेक्टर देवचन्द्रलाल कर्णले भन्नुभयो।’ भारतको नयाँदिल्लीबाट भारतीय वायु सेनाले बिहान आठ बजे नै एयरक्राफ्ट रिमुभल किट ल्याउने भनिए पनि अहिलेसम्म जहाज त्यहाँबाट उडेको छैन ।