डलर साटी दिने भन्दै ७ लाख ५० हजार ठगेर फरार

भक्तपुर, १० मंसिर । अमेरिकी डलर साटी दिने भन्दै प्रलोभनमा पारी एक अपरिचित व्यक्तिले नगद ७ लाख ५० हजार रुपैयाँ ठगी गरी फरार भएका छन् ।

सोमबार बिहान सूर्यविनायक बस्ने दोलखा सैलुङ गाउँपालिका ३ घर भएका ४९ वर्षीय श्रेष्ठ थरका पुरषको साथबाट अपरिचित व्यक्तिले नगद ७ लाख ५० हजार रुपैयाँ ठगी गरेका हुन् ।

मध्यपुर ठिमी नगरपालिका २ दिव्यश्वर प्लानिङमा अपरिचित व्यक्तिले अमेरिकी डलर साट्ने भन्दै श्रेष्ठलाई बोलाई रुमालले बेरेको कागज दिई उनको साथमा रहेको उक्त नगद लिई फरार भएको बताइएको छ ।

फरार व्यक्तिको प्रहरीले खोजी गर्नुका साथै घटनाका सम्बन्धमा थप अनुसन्धान गरिरहेको छ ।