काठमाडौं, ५ भदाै । सत्तारूढ नेपाल कम्युनिष्ट पार्टी (नेकपा) को केन्द्रीय सचिवालय बैठक बसिरहेकाे छ ।
प्रधानमन्त्री निवास बालुवाटारमा शुरू भएकाे बैठकमा पोलिटव्युरो गठन तथा स्थायी समिति र केन्द्रीय कमिटी बैठक बोलाउने लगायतका बिषयमा छलफल हुने सचिवालय स्रोतले जनाएको छ ।
बैठकमा वरिष्ठ नेता माधवकुमार नेपालको असहमति पत्रबारे पनि छलफल हुने जनाइएकाे छ । नेपालले सचिवालयमा ७ बुँदे असहमतिपत्र पेश गरेका थिए ।
नेकपाको ९ सदस्यीय सचिवालयमा अध्यक्षद्वय केपी ओली र पुष्पकमल दाहाल प्रचण्ड, वरिष्ठ नेता झलनाथ खनाल तथा माधवकुमार नेपाल, उपाध्यक्ष वामदेव गौतम, महासचिव विष्णु पौडेल, प्रवक्ता नारायणकाजी श्रेष्ठ, ईश्वर पोखरेल र रामबहादुर थापा बादल छन् ।
बिहीबारको सचिवालय बैठकमा वरिष्ठ नेता खनाल बाहेकका नेता सहभागी छैनन् । वरिष्ठ नेता खनाल उपचारको लागि बुधबार साँझ चीन प्रस्थान गरेका थिए ।
प्रतिक्रिया