काठमाडौं, २१ माघ । युनिभर्सल कलेज अफ मेडिकल साइन्सेस शिक्षण अस्पताल भैरहवाले मिर्गौला बिरामीका लागि निःशुल्क डायलासिस सेवा सुरु गरेको छ ।
मेडिकल कलेजले बुधबार पत्रकार सम्मेलन गरी बिरामीको सेवालाई ध्यानमा राखेर स्वास्थ्य तथा जनसङ्ख्या मन्त्रालयको सहयोगमा अस्पतालमा निःशुल्क डायलासिस सेवा सुरु गरेको अस्पतालले जानकारी दियो ।
मेडिकल कलेजले १८ वर्ष पूरा गरी १९ वर्ष प्रवेश गरेको अवसरमा ओपिडी टिकट तथा नर्मल बेडमा पनि पूर्ण रुपमा छुट प्रदान गरेको कलेजका जनसम्पर्क अधिकारी सुशील गुरुङले जानकारी दिनुभयो ।
सुरुमा पाँचजनालाई सेवा प्रदान गर्ने र १० जनासम्मलाई उपचार गराउने अस्पतालले लक्ष्य लिएको गुरुङले जानकारी दिनुभयो । डायलासिस सेवा लिन आउने बिरामीले वडा तथा गाविसको सिफारिसपछि जिल्ला जनस्वास्थ्य कार्यालयको अनुरोधमा उपचार पाउने बताइएको छ ।
एउटा बिरामीलाई २ वर्षसम्म निःशुल्क रुपमा डायलासिस सेवा प्रदान गर्ने अस्पतालले जनाएको छ ।
प्रतिक्रिया