पोखरा, २१ मंसिर । पोखराको एक ज्येष्ठ नागरिक दम्पतीले निजी खर्चमा चौतारो निर्माण गरेको छ ।
पोखरा–१७ महतगौडा निवासी ८६ वर्षीय चन्द्रकान्त र भागीरथी भण्डारीले स्थानीय भित्रीपाटनको सर्वजनिक जग्गामा दुई लाख ५० हजारको लागतमा पक्की चौतारो निर्माण गरी वर र पिपलको बिरुवासमेत रोप्नुभयो ।
चौतारोको बाजागाजासहित वैदिक विधिपूर्वक शनिबार विवाह अर्थात् प्रतिष्ठासमेत गराइयो ।
सोही स्थानमा शीतल पाटी (प्रतीक्षालय) समेत निर्माण गरिएकोे छ ।
विसं २०३५ मा पोखरा नगर क्षेत्रभित्र ६३२ चौतारी भए पनि हाल १५० को हाराहारीमा मात्र रहेको नागरिक समाज पोखरा–७ का अध्यक्ष रामबहादुर पौडेलले बताउनुहुन्छ ।
चौतारालगायत सार्वजनिक स्थलको अतिक्रमण बढ्दै गएको छ ।
प्रतिक्रिया