काठमाडौँ, ९ मंसिर । भारतीय प्रधानमन्त्री नरेन्द्र मोदीले सहमतिका आधारमा संविधान बनाउँन सुझाव दिनु भएको छ ।
सार्क शिखर सम्मेलनमा सहभागी हुन नेपाल आउनु भएका प्रधानमन्त्री मोदीले मंगलबार वीर अस्पताल नजिक रहेको राष्ट्रिय ट्रमा सेन्टरको उद्घाटन समारोहलाई सम्बोधन गर्दै यस्तो बताउनु भएको हो ।
उहाँले संख्याको आधारमा संविधान बनाउँदा नराम्रो सन्देश जाने भन्दै सहमतिको आधारमा संविधान बनाउन सुझाव दिनु भएको हो ।
उहाँले भारतको संविधान सहमतिबाट बनेको उदाहरण दिँदै संविधानसभामा भएकाहरुको ऋषी मन हुनु पर्ने र त्यसो भए संविधान जारी हुने धारणा राख्नुभयो ।
नेपालमा छिटो संविधान बन्दा भारतसमेत खुशी हुने उहाँको भनाई थियो । उहाँले कार्यक्रममा समय अभावका कारण जनकपुर, लुम्विनी र मुक्तिनाथ जान नसकेको बताउनुभयो । उहाँले नेपाल र भारतवीच विश्वासको इन्जिन जडान भएको आफूले महसुस गरेको समेत बताउनुभयो ।
प्रतिक्रिया