५ मंसिर २०८३, शनिबार

मधेसी मोर्चाले ‘तालेवानी’ राजनीति थाल्यो : एमाले सचिव ज्ञवाली

2k
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, २५ फागुन । नेकपा (एमाले)का सचिव प्रदीप ज्ञवालीले मधेसी मोर्चाले मुलुकमा ‘तालेवानी’ राजनीति शुरु गरेको आरोप लगाएका छन् ।

सप्तरीको राजविराजमा भएको घटनाका विषयमा बुधबार बिहान पत्रकार ऋषि धमलासँग नेपाली रेडियो नेटवर्कमा कुरा गर्दै सचिव ज्ञवालीले मधेसी मोर्चाले आफूलाई हिंस्रक बनाउन लगेको बताए । उनले एमालेका नेताहरूको सामूहिक हत्या प्रयास भएको भन्दै आलोचना गरे ।

‘मधेसी मोर्चाले तालेवानी राजनीतिक शुरु गरेको छ’, उनले भने, ‘सप्तरीमा अफ्गानिस्तानमा जस्तो भयो । अफ्गानिस्तानमा आफ्ना बालबालिकालाई पढाए वाफत कारबाही भोग्नु परेको थियो । तराईमा अहिले मधेसी मोर्चाको व्यवहार त्यस्तै छ ।’

एमाले सचिव ज्ञवालीले भने, ‘मधेसी मोर्चा र जयकृष्ण गोइतको व्यवहारमा कुनै फरक रहेन । उहाँहरूको बीचको दुरी कम हुँदै गएको छ ।’