काठमाडौं, १२ फागुन । प्रधानमन्त्री पुष्पकमल दाहाल पार्टीको कामको शिलशिलामा आज रोल्पा र रुकुम जिल्ला जाँदै छन् ।
संसदमा देखिएको राजनीतिक गतिरोध अन्त्य गर्न छाडेर प्रधानमन्त्री दाहाल पार्टी काममा सहभागी हुन रुकुम र रोल्पा जान थालेको भन्दै आलोचना भएको छ । प्रधानमन्त्री दाहाल साढे दश बजे रुकुम जाने छन् ।
रुकुमको कार्यक्रम सकेर प्रधानमन्त्री दाहाल रोल्पा आउने जाने कार्यक्रम छ । रोल्पामा पनि उनले पार्टीका काममा सहभागिता जनाउने छन् । त्यस अगाडि दाहालले रोल्पा महोत्सवको समापन गर्ने छन् ।
प्रमुख विपक्षी दल एमाले र सत्तारुढ मधेसी मोर्चाले संसदमा देखिएको गतिरोध अन्त्यका लागि सरकारले पहल नगरेको आरोप लगाउँदै आएका छन् ।
संविधान संशोधन विधेयकका कारण संसदको बैठक दुई पटकसम्म सूचना टाँस गरेर स्थगित भइसकेको छ ।











प्रतिक्रिया