पूर्वराजासँगको जम्काभेटमा को–को ?

काठमाडौं, ४ माघ । पूर्वराजा ज्ञानेन्द्र शाहको जम्काभेट राप्रपाका बाहेक अरू दलका नेतासँग भएन । पूर्वराजा भोजनस्थल जाँदै गर्दा एमाले वरिष्ठ नेता माधवकुमार नेपाल, पूर्वसभामुख सुवास नेम्बाङ, परराष्ट्र मन्त्री प्रकाशशरण महतलगायत नेताहरू चौरमा गफ गरिरहेका थिए ।

नजिकैकझ टेवलमा प्रधानन्याधीश शुसीला कार्की थिइन् । तर उनीहरू कोही पनि पूर्वराजाको नजिक पुगेनन् । नयाँ पत्रिका दैनिकले समाचार छापेको छ ।

‘पूर्वराजा पुग्नेबित्तिकै तस्बिरलिनेबीच प्रतिश्पर्धा देखिए पनि नेताहरूले देखेको नदेख्यै गर्नुभयो’, एक प्रत्यक्षदर्शीले भने, ‘अलिक नजिक भएको भए कुराकानी पनि हुन्थ्यो होला तर त्यो हुन पाएन ।’

पूर्वराजा फर्किए पछि मात्रै नेताहरू ओहोरदोहोर गर्दै भेटघाटमा सक्रिय भएका थिए ।