काठमाडौं, १८ पुस । नेकपा (एमाले) सहितका विपक्षी ९ राजनीतिक दलले यही पुस २२ गते राजधानीमा गर्ने जनप्रदर्शनको नाराहरु घोषणा गरेको छ ।
सोमबार एमाले मुख्यालय धुम्बाराही पार्टी सचिव प्रदीप ज्ञवालीको अध्यक्षतामा बसेको मूल व्यवस्थापन उपसमितिको बैठकले जनप्रदर्शनको तयारीका लागि ‘राष्ट्रघात, विखण्डन र जनविरोधी संशोधनका विरुद्ध राष्ट्रिय एकता ! संविधान कार्यान्वयन र निर्वाचनका लागि हाम्रो प्रतिवद्धता!’ भन्ने मूल नारा तय गरेको हो ।
बैठकले पुस २२ गतेको जनप्रदर्शनका लागि अन्य आधिकारिक नाराहरु तय गरेको एमाले प्रवक्ता योगेश भट्टराईले जानकारी दिए । उनका अनुसार बैठकले पुस २२ गतेका लागि पार्टीका सबै प्रकारका संगठनहरुले यही नारालाई आधिकारिक नारा बनाएर ब्यानरहरु बनाउन समेत निर्देशन दिएको छ ।
नारा निम्नप्रकारका छन्:
(१) संविधान संशोधन विधेयक खारेज गर,
निर्वाचनको मिति घोषणा गर !
(२) संविधानमाथिको प्रतिघात,
संशोधनमार्फत् राष्ट्रघात !
(३) विखण्डनवाद मूर्दावाद,
जनताको एकता जिन्दावाद !
(४) तराई–पहाड एउटै ज्यान
नेपाली हाम्रो पहिचान !
(५) राष्ट्रिय स्वाभीमान–जिन्दावाद,
लम्पसारवाद – मूर्दावाद !
(६) वाह्य हस्तक्षेप बन्द गर !
(७) के शहर के गाउ,
राष्ट्रिय शक्ति एकै ठाउ !
(८) सङ्घीय लोकतान्त्रिक गणतन्त्र जिन्दावाद !
(९) हत्या हिंसा आतंक बन्द गर,
शान्ति सुरक्षा कायम गर !
(१०) हिमाल पहाड तराई– कोही छैन पराई !
(११) आदरणीय शहीदहरु –अमर रहून् !











प्रतिक्रिया