युवा संघका अर्का नेताको पनि बाँकेमा हत्या प्रयास, अवस्था चिन्ताजनक

रुपन्देहीमा युवा संघका जिल्ला अध्यक्षको हत्या भएको दुई साता नहुँदै बाँकेमा आज बेलुकी युवा संघका अर्का नेताको पनि हत्या प्रयास भएको छ । बाँकेको कोहलपुरमा अज्ञात समूहले युवा संघका केन्द्रीय सदस्य एवं बाँके जिल्लाका इन्चार्ज सन्तोष बुढाथोकीको हत्या प्रयास भएको हो । आक्रमणकारीले घाँटीमा धारिलो हतियार प्रहार गरेका कारण बुढाथोकीको अवस्था अत्यन्तै चिन्ताजनक रहेको छ ।

उनलाई उपचारका लागि कोहलपुर मेडिकल कलेजमा लगिएको छ । तर, चिकित्सकहरु नेपालगन्जमा उपचार हुन नसक्ने भनेपछि राजधानी ल्याउनका लागि हेलिकप्टरको खोजी भइरहेको छ ।