५ मंसिर २०८३, शनिबार

संविधान संशोधनको विरोधमा संसद बैठक फेरि अवरुद्ध

0
Shares

फन्ट परिवर्तन गर्नुहोस:

  • change font
  • change font
  • change font

फाइल तस्वीर

काठमाडौं, १३ पुस । व्यवस्थापिका संसदको बैठक फेरि अवरुद्ध भएको छ ।

संविधान संशोधन प्रस्ताव फिर्ताको माग गर्दै एमालेसहित ९ विपक्षी दलले संसदमा अवरोध गरेपछि बुधबारको बैठक पनि प्रभावित भएको हो ।

बैठकको सुरुमा बोल्दै नेपाल परिवार दलका सांसद एकनाथ ढकालले संशोधन विधेयक गैरसंवैधानिक, राष्ट्रियता विपरित अदृश्य शक्तिको बलमा ल्याइएको आरोप लगाउँदै फिर्ता नलिएसम्म सदन चल्न नदिने बताए । ढकाल बोलिसकेपछि विपक्षी दलका सांसदहरु आ–आफ्नो ठाउँमा उभिएर अवरोध गरे ।

पटक पटक आसन ग्रहणका लागि आग्रह गर्दा पनि नमानेपछि सभामुख ओनसरी घर्तीमगरले भोलि बिहीबार १ बजेसम्मका लागि संसद बैठक स्थगित भएको घोषणा गरिन् ।