४ मंसिर २०८३, शुक्रबार

तिवारी ‘हत्याकाण्ड’मा प्रहरीलाई ठूलो सफलता !

0
Shares

फन्ट परिवर्तन गर्नुहोस:

  • change font
  • change font
  • change font

भैरहवा, ५ पुस । प्रहरीले एमाले सम्वद्ध युवा संघ रुपन्देहीका अध्यक्ष दुर्गा तिवारीको हत्यामा प्रयोग भएको मोटरसाइकल फेला परेको छ ।

हत्या भएको ठाउँ देवदहको खैरहनी बजारबाट दक्षिणी पश्चिमी क्षेत्र मणिग्रामको कान्छी बजारमा मोटरसाइकल बेवारिसे अवस्थामा फेला पारिएको हो ।

बा ५१ प ८०७३ नम्बरको मोटरसाइकल १ सय ५० सिसीको रातो रंगको छ । मोटरसाइकल स्टार्ट अवस्थामै छाडेर भागेको प्ररम्भिक अनुसन्धानले देखाएको छ ।

गोली हानेपछि भित्री बाटोको प्रयोग गर्दै भागेका आक्रमणकारीहरूले मुख्य राजमार्गमा प्रहरी गस्ती देखेपछि मोटरसाइकल छाडेको अनुमान प्रहरीको छ ।

‘मोटरसाइकलबाट साँचो समेत ननिकाली स्टार्ट अवस्थामै छाडेर भागेको देखिएको छ’, प्रहरी उच्च स्रोतले भन्यो ।

यसैबीच, प्रहरीले तिवारीको हत्यामा संलग्न भएको आशंकामा एक जनालाई पक्राउ गरेको जनाएको छ ।