– कृष्ण ओझा
पाँचथर, २६ मंसिर । पाँचथरमा राप्रपा र राप्रपा नेपालवीच समायोजन टुङ्गो लाग्न सकेको छैन । दुवै तर्फबाट अध्यक्षमा दावी भएपछि तेश्रो पटकको बार्ता पनि निष्कर्ष विहीन टुङ्गिएको हो ।
शनिबार बार्ता गरेर पार्टी समायोजन गर्ने भनिएको थियो । राप्रपाका नेता मानदेव केरुङ र राप्रपा नेपालबाट नेता घलेन्द्रवहादुर कुरुम्बाङले आ–आफ्नो दावेदारी नछोड्दा समायोजनमा समस्या भएको छ ।
केन्द्रमा राप्रपा र राप्रपा नेपालवीच एकतापछि जिल्ला तहमा पनि समायोजन गर्न लागिएको हो । तर पाँचथरमा भने दुवै तर्फका अध्यक्षले अध्यक्ष पदमा अडान त्याग्न सकेका छैनन् ।
केन्द्रबाट समायोजनका लागि खटाइएका केन्द्रीय सदस्यहरु अमिर मादेन र चतुरभक्त विश्वकर्माले समायोजन हुन नसकेको प्रतिवेदन केन्द्रीय समितिमा बुझाइने बताएका छन् ।
प्रतिक्रिया