काठमाडौं, १९ कात्तिक । अमेरिकामा लामो समयदेखि बसोबास गर्दै आएका फेसन डिजाइनर नेपाली मूलका अमेरिकन नागरिक प्रवल गुरुङले मिसेल ओबामासँग भेट गरेका छन् ।
आफ्नी आमा र बहिनीका साथ ह्वाइट हाउस पुगेका प्रवेलले मिसेल ओबामालाई भेट गरेको जनाइएको छ । यो भेटबाट प्रवलले अत्यन्तै खुसी व्यक्त गरेका छन् ।
राष्ट्रपति भवनमा हालै भएको यो भेटलाई प्रवलले खुसीका साथ बयान गरेका छन् । नेपालका लागि अमेरिकन एम्बेसी काठमाडौंले आफ्नो फेसबुक पेजमा राखेको तस्बिर र प्रवलको भनाइबाट पनि भेटघाट अत्यन्तै सुखद् रहेको उल्लेख छ ।
मिसेलसँग भेट गर्न प्रवलले आफ्नी आमा दुर्गा राना र बहिनी कुमुदिनी श्रेष्ठलाई साथमा लिएर ह्वाइट हाउस गएका थिए ।
अमेरिकामा फेसन डिजाइनरको काम गर्दै आएका प्रवलले डिजाइन गरेका कपडा मिसेलले पनि लगाउने गर्छिन् । प्रवलका डिजाइनलाई विश्व प्रसिद्ध सेलिब्रेटीहरूले पनि लगाउने गर्छन् ।
प्रतिक्रिया