लालमटियामा मोटरसाइकल दुर्घटना, दुई जना घाइते

दाङ, १४ असोज । दाङको देउखुरीस्थित पूर्वपश्चिम महेन्द्र राजमार्गअन्तर्गत लालमटियामा मोटरसाइकल दुर्घटना हुँदा दुई जना गम्भीर घाइते भएका छन् ।

बिहीबार राति पौने दस बजे लु १२ प ६५४९ नम्बरको मोटरसाइकल अनियन्त्रित भई दुर्घटना हुँदा दुई जना घाइते भएको ईलाका प्रहरी कार्यालय भालुवाङले जनाएको छ ।

घाइते हुनेमा कपिलवस्तु जिल्ला पिपरा– ४ घर भएका चालक २४ वर्षीय चिन्तु कुर्मी र सोही ठाँउका २३ वर्षीय अनीष खान घाइते भएका छन् । घाइते मध्ये चालकको अवस्था गम्भीर छ ।

घाइते दुबै जनालाई उपचारको लागि कपिलवस्तु पठाईएको ईलाका प्रहरी कार्यालय भालुवाङले जनाएको छ ।