टिचिङ अस्पतालबाट हाम फालेका विजयबाट भेटियो मर्मस्पर्शी ‘सुसाइड नोट’

काठमाडौं, २२ भदौ । मिर्गाैला बिग्रिएर त्रिवि शिक्षण अस्पताल महाराजगन्जमा भर्ना भई उपचार गराउने क्रममा तीन तलामाथिको झ्यालबाट हाम फालेर आत्महत्या गरेका युवकबाट ‘सुसाइड नोट’ फेला परेका छ ।

केन्द्रीय प्रहरी समाचार कक्षका अनुसार मंगलबार दोलखा मालु बस्ने १८ वर्षीय विजय खड्काले अस्पतालको बिरामी कक्षको तीन तलाबाट हाम फालेर आत्महत्या गरेका थिए । आत्महत्या गरेका विजयको वेडबाट ‘सुसाइड नोट’ भेटिएको थियो ।

प्रहरीले खोजतालसकै क्रममा भेटाएको ‘सुसाइड नोट’मा विजयले आफूमा बाँच्ने आशा मरिसकेकाले आत्महत्याको बाटो रोजेको कुरा लेखेका छन् ।

आमालाई सम्बोधन गरेर लेखेको मर्मस्पर्शी ‘सुसाइड नोट’ यस्तो छः

‘ममी मलाई माफ गरिदिनुहोला । म तपाईंलाई दुःख दिन चाहन्न । त्यसैले म यो झ्यालबाट हाम फालेर आत्महत्या गर्दैछु । म मरेपछि मलाई यहाँ नजलाउनु होला । मलाई हजुरबुवा र हजुर आमा कहाँ लैजानु होला ।’

त्यसैगरी अग्रेंजीमा आफ्ना बुवालाई भनेका छन्, ‘ड्याड लभ भेरी मच । अर्को जुनी लिएर भेट हुनेछ ।’