काठमाडौं, ८ भदौ । नेपाली कांग्रेसमा ससुरा अर्जननरसिंह केसी र ज्वाई गगन थापाबीचको द्वन्द्व पार्टीको महाधिवेशनमा देखिइसकेको छ । यो आन्तरिक द्वन्द्वको असर परिवारमा समेत देखिएको थियो ।
पार्टीमा केसी सभापति शेरबहादुर देउवा (संस्थापन) पक्षका नेता हुन् भने थापा प्रभावशाली नेता एवं पार्टीमा प्रभाव बढाउँदै गइरहेका कृष्ण सिटौला समूहका हुन् ।
अहिले कांग्रेस र माओवादी केन्द्रको गठबन्धनमा मन्त्री चयनका क्रममा फरक फरक समूहका ससुरा र ज्वाईबीच फेरि आन्तरिक द्वन्द्व सिर्जना भएको हो । पार्टीले दुबैलाई मन्त्री बनाउने तयारी गरेको छ । तर, मन्त्रालयमा विवाद छ ।
कृष्ण सिटौला समूहले भागवण्डामा एक मन्त्रालय पाएको छ । जसमा थापाको नाम चर्चामा छ । नेताहरुका अनुसार यो समूहबाट भीमसेनदास प्रधान र गगन थापामध्ये एक जना मन्त्री बन्ने छन् ।
गगनले सहरी विकास मन्त्रालय पाए मन्त्री बन्ने संकेत दिएका छन् । तर, अर्जुननरसिंहले पनि सहरी विकास मन्त्रालय नै चाहेका छन् । र, उनी मन्त्री भएको अवस्थामा ज्वाइँ गगन थापा मन्त्री बन्ने छैनन् । किनकि अर्जुनले पनि खानेपानी मन्त्रालय गाभेर सहरी विकास मन्त्रालय सम्हाल्ने सोच बनाएका छन् । दुबैले चाँहेको मन्त्रालय एउटै परेपछि पहिलोपटक मन्त्री बन्न लागेका गगनको बाटोमा ससुरा अर्जन तगारो बनेका हुन् ।
यसैकारण सिटौला समूहबाट गगनको स्थानमा भीमसेनदास प्रधान मन्त्री बन्ने भएका छन् । सिटौला समूहका एक नेताका अनुसार केसी मन्त्री बने गगन सरकारमा जान अफ्ठ्यारो छ । त्यस्तो अवस्थामा भीमसेन प्रधान जानेछन् । गगन ब्याक हुनेछन् ।
प्रतिक्रिया