काठमाडौँ, २८ साउन । नयाँ शक्ति पार्टी नेपालका संयोजक डा बाबुराम भट्टराईले सहमतिका आधारमा संविधान संशोधन गरेर भएपनि जतिसक्दो चाँडो प्रदेशसम्बन्धी सीमाङ्कनको मुद्दालाई टुङ्गो लगाउनुपर्ने बताउनुभएको छ ।
नया“ शक्ति पार्टी नेपाल, राजनीतिक संवाद समितिद्वारा यहाँ आज आयोजित विभिन्न क्षेत्रका बुद्धिजीवी तथा नागरिक समाजका अगुवासँगको छलफलका क्रममा पूर्वप्रधानमन्त्री समेत रहुनुभएका डा भट्टराईले दीर्घकालीन राजनीतिक स्थिरताका लागि संविधान संशोधन गरी जनताबाट प्रत्यक्ष निर्वाचित कार्यकारी प्रमुख हुनुपर्नेमा जोड दिनुभयो ।
संविधान जारी भइसकेको अवस्थामा मुलुकमा व्याप्त सबै प्रकारका विभेद अन्त्य गर्दै संविधान कार्यान्वयनसँगै मुलुकलाई आर्थिक, सामाजिक र सांस्कृतिक विकासको बाटोमा अगाडि बढाउनुपर्ने उहाँको भनाइ थियो ।
संयोजक डा भट्टराईले मुलुकमा व्याप्त महँगी, भ्रष्टाचार, बेरोजगारी, कालोबजारीको अन्त्य गर्नुपर्नेमा समेत जोड दिनुभयो ।
नागरिक समाजका अगुवा डा सुन्दरमणि दीक्षित र अर्थविद् डा विश्वम्भर प्याकु¥याल लगायतले जनताले राजनीतिक अस्थिरताभन्दा पनि विकास चाहेको हुँदा संविधान कार्यान्वयनसँगै मुलुकलाई विकासको बाटोमा अगाडि बढाउन आग्रह गर्नुभयो । रासस
प्रतिक्रिया