चर्चित ‘डन’ चरी मारिएको पुष्टि, मुठभेड नभई नियोजित हत्या

काठमाडौं, २१ साउन । राजधानीका चर्चित डन दिनेश अधिकारी ‘चरी’ मारिएका छन् ।

बुधवार साँझ ५ वजे काठमाडौँको गोलढुङगामा प्रहरीको गोली प्रहारबाट चरी मारिएका हुन् ।

प्रहरीले दोहोर भिडन्तमा मारिएको बताएको छ ।

तर, सेल्टर खोजेर लुक्दै हिँडेका चरीलाई नियोजित रुपमा प्रहरीले हत्या गरेको चरीका एक सहयोगीले दैनिक नेपाललाई बताए ।

उनका अनुसार चरीलाई दुई ओटा गोली लागेको थियो ।

अपराध अनुसन्धान महाशाख हनुमान ढोकाका प्रमुख, एसएसपी पुष्कर कार्की भने चरी मुठभेडमा मारिएको दाबी गरेका छन् ।

चरी लामो समयदेखि फरार थिए । उनलाई प्रहरीले खोजि गरिरहेको थियो । उनी धादिङ क्षेत्र नम्बर १ का एमाले उपाध्यक्ष समेत रहेका थिए ।