होटलमा २१ वर्षीया युवतीको शव भेटियो

सोलुखुम्बु, ८ वैशाख । पर्यटकीय बजार लुक्लास्थित एक होटलमा युवतीको शव भेटिएको छ ।

गुदेल- ५ सोलुखुम्बु स्थायी घर भएकी २१ वर्षीया रेविना राईको गएराति बास बसेकै कोठामा शव फेला परेको प्रहरी निरीक्षक पुष्कर बोगटीले जानकारी दिए ।

चौँरीखर्क- ५ टोकटोकस्थित मिलन थापा मगरको होटलमा काम गर्दै आएकी राईको मृत्युबारेमा थप अनुसन्धान भइरहेको प्रहरीले जनाएको छ। राईको शव परीक्षणका लागि जिल्ला अस्पताल ल्याइँदै गरेको जनाइएको छ । रासस