दुर्घटनाग्रस्त विमान खोज्न फेरि उड्यो सेनाको हेलिकप्टर

काठमाडौं, १२ फागुन । हराइरहेको तारा एयरको विमान खोज्न ३ वटा हेलिकप्टर परिचालन गरिएको छ ।

मौसममा सुधार आएपछि नेपाली सेनाकोसहित ३ वटा हेलिकप्टर परिचालन गरिएको तारा एयरले जनाएको छ ।

यसअघि मौसममा खराबी आएपछि केहीबेर अघि तीनवटै हेलिकोप्टर पोखरा र घासामा अवतरण गरिएको थियो ।

हराइरहेको विमान खोजी गर्न डाइनास्टी एयरको २ वटा र नेपाली सेनाको एउटा हेलिकोप्टर परिचालन गरिएको हो ।