बर्दियामा विद्यालयको शौचालय भत्किदा एक विद्यार्थीको ज्यान गयो

– सुदीप अधिकारी
बर्दिया,८ माघ । बर्दियाको एक विद्यालयमा शौचालय भत्किएपछि एक जना छात्रको ज्यान गएको छ ।

बर्दियाको गुलरिया ३ खैरापुर स्थित शम्भुशरण उच्च माध्यमिक विद्यालयको शौचालय भत्केर कक्षा ८ मा अध्ययनरत छात्र राकेश बञ्जराको ज्यान गएको हो ।

विद्यालयमा अध्ययनकै समयमा शौचालयमा शौच गर्न गएका बेला एक्कासी शौचालय भत्केपछि घाईते अवस्थामा रहेका राकेश बञ्जाराको उपचारका क्रममा गुलरिया अस्पताल लैजाँदै गर्दा ज्यान गएकोे जिल्ला प्रहरी कार्यालय बर्दियाले जनाएको छ ।

केहि महिना अगाडि निर्माण सम्पन्न भएको शौचालय के कारणले भत्केको हो त्यो भने खुल्न सकेको छैन् ।