बालुवाटारमा वार्ता छाडेर मधेसी मोर्चाका नेता किन भारतीय दूतावास छिरे ?

काठमाडौं, १८ मंसिर । पाँच बजे हुने भनिएको त्रिपक्षीय वार्तामा संयुक्त लोकतान्त्रिक मधेसी मोर्चाका नेता आइनपुगेपछि सुरु हुन सकेको छैन् ।

अहिले बालुवाटारमा मोर्चाका नेताहरुलाई कांग्रेस र सत्तारुढ दलका नेताहरुले कुरिरहेका छन् । तर, मधेसी मोर्चाका नेताहरु वार्ता गर्न बालुवाटार जानु छाडेर लैनचौरस्थित भारतीय राजदूतावास गएको खुलासा भएको छ ।

स्रोतका अनुसार आज हुने भनिएको निर्णायक वार्ता अघि मोर्चाका नेताहरु मधेस आन्दोलनका मागबारे राजदूत रञ्जीत रेसँग छलफल गर्न भारतीय दूतावास गएका हुन् । मोर्चाले भारतकै सहयोगमा मधेसमा आन्दोलन गरिरहेका बेला वार्तामा बस्नका लागि पनि भारतसँगै सल्लाह गरेको हो ।

अहिले पनि मोर्चाका नेताहरु राजदूतवासमै छलफल गरिरहेका छन् । उपेन्द्र यादव, महन्थ ठाकुर, लक्ष्मणलाल कर्ण लगायतका मधेसी नेताहरु लैनचौरस्थित दूतावास पुगेका हुन् ।