शुक्रबारदेखि हराएका पूर्वमेयर सिंह जंगलमा मृत भेटिए

कपिलवस्तु । कपिलवस्तु नगरपालिकाका पूर्वमेयर किरण सिंह गोरुसिङ्गे जंगलमा मृत भेटिएका छन् ।

६५ वर्षीय सिंह शुक्रबारदेखि हराएका थिए ।

उनले प्रयोग गर्दै आएको मोटरसाइकल शनिबार भेटिए पनि उनको अवस्था भने अज्ञात थियो ।

प्रहरीसहितको टोलीले खोजी गर्ने क्रममा आज उनको शव फेला पारेको हो ।

सिंह शुक्रबार दिउँसो कपिलवस्तु–३ स्थित घरबाट निस्किएका थिए । त्यसको केही समयपछि उनले आफू निकटका केही व्यक्तिलाई जंगलमा बाटो बिराएको भनेर फोन गरेका थिए । त्यसपछि आफन्तसहितको टोलीले उनको खोजी सुरु गरेको थियो ।