ब्रिटिश प्रोफेशनल कलेजमा अब बिएससी र एमएससी प्रोफेशनल एकाउन्टेन्सी दुवै कार्यक्रम

काठमाडौं । ब्रिटिश एजुकेशन ग्रुप (बीईजी)अन्तर्गत सञ्चालित ब्रिटिश प्रोफेशनल कलेज (बीपीसी)ले विश्वका प्रतिष्ठित तथा ऐतिहासिक विश्वविद्यालयहरू मध्ये एक युनिभर्सिटी अफ लन्डनको बिएससी प्रोफेशनल एकाउन्टेन्सी कार्यक्रम सञ्चालन गर्न मान्यताप्राप्त शिक्षण केन्द्र (आरटीसी)को मान्यता प्राप्त गरेको छ । यस मान्यतासँगै बीपीसीले नेपालमा विश्वस्तरीय तथा अन्तर्राष्ट्रिय मान्यता प्राप्त शिक्षामा पहुँच विस्तार गर्ने आफ्नो प्रतिबद्धतालाई थप सुदृढ बनाएको छ ।

कलेजका अनुसार यो कार्यक्रम विशेष रूपमा एसोसिएसन अफ चार्टर्ड सर्टिफाइड एकाउन्टेन्ट्स (एसीसीए)का विद्यार्थी, सम्बद्ध तथा सदस्यहरूका लागि तयार गरिएको हो । यस कार्यक्रममार्फत विद्यार्थीहरूले एसीसीए अध्ययनलाई निरन्तरता दिँदै युनिभर्सिटी अफ लन्डनको अन्तर्राष्ट्रिय मान्यता प्राप्त स्नातक उपाधि हासिल गर्न सक्नेछन् । यसरी विद्यार्थीहरूले एकैसाथ विश्वभर सम्मानित दुई शैक्षिक तथा व्यावसायिक संस्थासँग आफ्नो शैक्षिक यात्रा जोड्ने अवसर प्राप्त गर्नेछन् ।

कार्यक्रमको अर्को विशेषता भनेको एसीसीएअन्तर्गत पहिले नै उत्तीर्ण गरिएका केही विषयहरूको मान्यता प्राप्त हुने व्यवस्था हो । यसका कारण विद्यार्थीहरूले बिएससी प्रोफेसनल एकाउन्टेन्सी कार्यक्रम करिब १२ महिनामै पूरा गर्न सक्नेछन् । किफायती शुल्क, लचिलो अध्ययन व्यवस्था तथा करियरलाई निरन्तरता दिँदै अध्ययन गर्न सकिने सुविधाले यस कार्यक्रमलाई अझ आकर्षक बनाएको छ ।

अब विद्यार्थीहरूले नेपालमै बसेर युनिभर्सिटी अफ लन्डनको प्रतिष्ठित स्नातक उपाधि हासिल गर्न सक्नेछन् । विद्यार्थीहरूले बीपीसीमा प्रत्यक्ष कक्षामार्फत अध्ययन गर्न सक्नेछन् भने स्वतन्त्र रूपमा अनलाइन अध्ययन गर्ने विकल्प पनि उपलब्ध हुनेछ । कार्यक्रममा वित्तीय व्यवस्थापन (३० क्रेडिट), कार्यसम्पादन व्यवस्थापन (३० क्रेडिट) तथा परियोजना मोड्युल(६० क्रेडिट) समावेश छन् । यी विषयहरूले विद्यार्थीहरूलाई वित्तीय निर्णय प्रक्रिया, कार्यसम्पादन मूल्याङ्कन तथा अनुसन्धानमा आधारित विश्लेषणात्मक सीप विकास गर्न सहयोग गर्नेछन्।

यस कार्यक्रमको महत्वपूर्ण पक्ष भनेको वित्तीय व्यवस्थापन र कार्यसम्पादन व्यवस्थापन मोड्युल सफलतापूर्वक पूरा गरेपछि विद्यार्थीहरूले एसीसीएका सम्बन्धित परीक्षामा अतिरिक्त शुल्कबिनै छुट प्राप्त गर्ने व्यवस्था हो । यसले विद्यार्थीहरूलाई १८० भन्दा बढी देशमा फैलिएको विश्वव्यापी व्यावसायिक लेखा संस्थातर्फको यात्रामा थप सहजता प्रदान गर्नेछ। हाल एसीसीएका विश्वभर २,५२,५०० भन्दा बढी सदस्य तथा ५,२६,००० भन्दा बढी भावी सदस्य रहेका छन् ।

कार्यक्रमअन्तर्गत विद्यार्थीहरूले एआई अध्ययन सहायकको सुविधा पनि प्राप्त गर्नेछन् । २४ घण्टा उपलब्ध रहने यस एआई आधारित अध्ययन सहयोगीले विद्यार्थीहरूलाई विषयवस्तु बुझ्न, आफ्नो ज्ञान परीक्षण गर्न तथा अध्ययन योजना व्यवस्थापन गर्न सहयोग पुर्‍याउनेछ । युनिभर्सिटी अफ लन्डनका कार्यक्रमहरूमध्ये एआई आधारित अध्ययन सहयोगलाई कार्यक्रम भर समावेश गरिएको यो पहिलो डिग्री कार्यक्रम हो ।

यो नयाँ मान्यताले युनिभर्सिटी अफ लन्डनसँग बीपीसीको लामो समयदेखिको सहकार्यलाई अझ मजबुत बनाएको छ । यसअघि नै एमएससी व्यावसायिक लेखाशास्त्र कार्यक्रम सञ्चालन गर्ने मान्यता प्राप्त गरिसकेको बीपीसी अहिले युनिभर्सिटी अफ लन्डनका बीएससी र एमएससी प्रोफेशनल एकाउन्टेन्सी दुवै कार्यक्रम सञ्चालन गर्ने दक्षिण एसियाको एकमात्र मान्यताप्राप्त शिक्षण केन्द्र बनेको छ ।

सन् १८३६ मा स्थापना भएको युनिभर्सिटी अफ लन्डन बेलायतका सबैभन्दा पुराना तथा प्रतिष्ठित विश्वविद्यालयहरू मध्ये एक हो । हाल १९० भन्दा बढी देशका ४०,००० भन्दा बढी विद्यार्थीहरूले यस विश्वविद्यालय अन्तर्गत १०० भन्दा बढी डिग्री, डिप्लोमा तथा प्रमाणपत्र कार्यक्रमहरू अध्ययन गरिरहेका छन् ।

यस उपलब्धिबारे प्रतिक्रिया दिँदै ब्रिटिश एजुकेशन ग्रुपका हेड अफ प्रोफेशनल एजुकेशन दिपेन्द्र के. श्रेष्ठ ले भने,  “यो मान्यता बीपीसी र अन्तर्राष्ट्रिय स्तरको शिक्षा हासिल गर्ने सपना देखिरहेका नेपाली विद्यार्थीहरूका लागि अत्यन्त महत्वपूर्ण उपलब्धि हो । यसले स्थानीय आकांक्षा र विश्वव्यापी मापदण्डबीचको दूरी घटाउने हाम्रो प्रतिबद्धतालाई अझ सशक्त बनाएको छ। बीएससी र एमएससी प्रोफेशनल एकाउन्टेन्सी दुवै कार्यक्रम सञ्चालन मार्फत हामीले यस्तो शैक्षिक वातावरण निर्माण गरेका छौँ, जहाँ विद्यार्थीहरूले एउटै संस्थाबाट युनिभर्सिटी अफ लन्डनको विश्वस्तरीय डिग्री र एसीसीएको व्यावसायिक योग्यता हासिल गर्न सक्छन् । एक वर्षमै डिग्री पूरा गर्न सकिने लचकता, एसीसीएसँगको एकीकृत अध्ययन मार्ग तथा एआई आधारित अध्ययन सहयोगले यो कार्यक्रमलाई वास्तवमै रूपान्तरणकारी बनाएको छ । यस कार्यक्रमका स्नातकहरू केवल शैक्षिक रूपमा मात्र सक्षम नभई विश्वव्यापी नेतृत्वका लागि पनि तयार हुनेछन् ।”

बिएससी प्रोफेसनल एकाउन्टेन्सी कार्यक्रम थपिएसँगै बीपीसीले विद्यार्थीहरूलाई अन्तर्राष्ट्रिय मान्यता प्राप्त स्नातक डिग्री, स्नातकोत्तर अध्ययन तथा एसीसीए व्यावसायिक योग्यतासम्मको एकीकृत शैक्षिक यात्रा प्रदान गर्ने अद्वितीय अवसर सिर्जना गरेको छ । एसीसीएको प्लेटिनम स्वीकृत सिकाइ साझेदारका रूपमा बीपीसी विद्यार्थीहरूको शैक्षिक उपलब्धि र व्यावसायिक सफलतालाई एकसाथ अघि बढाउने विशेष अवस्थामा रहेको छ ।

सन् २०११ मा स्थापना भएको ब्रिटिश प्रोफेशनल कलेज नेपालमा अन्तर्राष्ट्रिय उच्च शिक्षाको अग्रणी प्रदायक संस्था मध्ये एकका रूपमा स्थापित भएको छ । बेलायतका प्रतिष्ठित शैक्षिक संस्थाहरूसँगको सहकार्य तथा अनुभवी अन्तर्राष्ट्रिय एवं नेपाली प्राध्यापकहरूको संयोजनमार्फत कलेजले विद्यार्थीहरूलाई विश्वस्तरीय अध्ययन अनुभव प्रदान गर्दै आएको छ ।

युनिभर्सिटी अफ लन्डनको बिएससी प्रोफेसनल एकाउन्टेन्सी कार्यक्रम थपिएसँगै बीपीसीले विश्वव्यापी रूपमा मान्यता प्राप्त शिक्षा, उद्योगमुखी सिकाइ तथा रोजगारदाताहरूले उच्च मूल्याङ्कन गर्ने योग्यतामार्फत विद्यार्थीलाई सशक्त बनाउने आफ्नो अभियानलाई थप मजबुत बनाएको जनाएको छ ।