काठमाडौं । अहिले सामाजिक सञ्जालमा एक युवतीमाथि यौन दुर्व्यवहार भएको घटना चर्चामा छ ।
ललितपुरको इमाडोलस्थित गल्लीमा एक्लै हिँडिरहेकी युवतीलाई एक जना पुरुषले गोप्य अङ्ग प्रदर्शन गरेपछि ति युवतीले प्रतिरोध गरेको भिडिओ भाइरल भइरहेको हो ।
आइतबार साँझ साढे ६ बजेतिर पीडित युवतीले ती पुरुषको भिडियो सामाजिक सञ्जाल टिकटकमा अपलोड गरेकी थिइन् । उनी एक्लै हिँडिरहेका बेला एक पुरूषले उनलाई गोप्य अंग देखाएको उनले भिडिओमा उल्लेख गरेकी छिन् ।
उनले उक्त घटनापछि ति पुरूषलाई पछ्याएको भिडिओमा देख्न सकिन्छ । उनले आफ्नो मोबाइलबाट भिडिओ खिच्दै ति पुरूषलाई पछ्याउँछिन् र अन्य व्यक्तिको सहयोगमा उनलाई नियन्त्रणमा लिन सफल हुन्छिन् ।
अन्य व्यक्तिले समातेपछि ति पुरूषले माफी मागेको भिडिओमा देखिन्छ । साथै युवतीले उनलाई ‘घरमा दिदी बहिनी छैनन्’ भन्ने प्रश्न गर्दै खुट्टा समेत ढोग्न लगाउँछिन् ।
पीडित युवतीले प्रहरी प्रभाग इमाडोलमा निवेदन दिएकी छिन् । युवतीको निवेदनको आधारमा प्रहरीले अनुसन्धान अगाडि बढाएको जानकारी दिइएको छ ।
प्रतिक्रिया