याङ्गो प्रोद्वारा बागमती प्रदेशको राजधानी हेटौंडामा सेवा विस्तार

हेटौंडा । राइड सेयरिङ प्लेटफर्म याङ्गो प्रोले बागमती प्रदेशको राजधानी हेटौंडामा आफ्नो सेवा विस्तार गरेको छ । सेवा विस्तारसँगै हेटौंडा क्षेत्रमा यात्रुहरूले मोबाइल एपमार्फत सहज रूपमा सवारी बुक गर्नसक्ने व्यवस्था गरिएको कम्पनीले जनाएको छ ।

कम्पनीका अनुसार सेवा सञ्चालनसँगै सुरक्षित, भरपर्दो तथा सहज यात्रालाई प्राथमिकता दिइनेछ । साथै, स्थानीय स्तरमा रोजगारी तथा सेवा पहुँच विस्तारमा समेत योगदान पुग्ने अपेक्षा गरिएको छ ।

यात्रुहरूले एपमार्फत आफ्नो गन्तव्य चयन गरी सेवा लिन सक्नेछन् भने चालक र यात्रुबीचको समन्वयलाई डिजिटल माध्यमबाट थप व्यवस्थित बनाइने जनाइएको छ ।

हेटौंडामा याङ्गो प्रोको प्रवेशसँगै यातायात सेवामा नयाँ विकल्प थपिएको स्थानीयले अपेक्षा गरेका छन् ।