काठमाडौं । जारी फिफा विश्वकप २०२६ को खेलमा कतारले स्विटजरल्यान्डसँग १–१ गोलको बराबरी खेलेको छ ।
सान फ्रान्सिस्को रंगशालामा कतारले दोस्रो हाफको इन्जुरी समयमा गोल गर्दै स्विटजरल्यान्डसँग १–१ को बराबरी खेलेको हो ।
स्विटजरल्यान्डका ब्रिल एम्बोलोले खेलको १७ औं मिनेटमा गोल गरेर अग्रता दिलाएका थिए ।
खेलको सुरुवातदेखि नै स्विटजरल्यान्डले आक्रामक खेल खेल्दै कतारलाई दबाबमा राखेको थियो ।
स्विटजरल्यान्ड विजयको नजिक पुगेको थियो, तर कतारका बोउलेम खुखीले दोस्रो हाफको इन्जुरी समयमा गरेको गोलले खेलको मोड परिवर्तन गर्यो र खेल १–१ गोलको बराबरीमा सकियो ।
यो नतिजासँगै कतारले २०२६ को विश्वकपमा आफ्नो पहिलो अंक हासिल गर्यो । खेलभरि राम्रो प्रदर्शन गरे पनि स्विटजरल्यान्डले पनि एक अंकमा चित्त बुझायो ।
प्रतिक्रिया