काठमाडौं । इरानले आइतबार राति इजरायलमा ब्यालिस्टिक क्षेप्यास्त्र प्रहार गरेको छ । इरानका अनुसार यो आक्रमण बेरुतमा भएको इजरायली आक्रमणको बदला लिने उद्देश्यले गरिएको थियो जसमा दुई जनाको मृत्यु भएको थियो भने २० जना घाइते भएका थिए।
इजरायलका अनुसार अप्रिलमा युद्धविराम भएयता इरानले इजरायलमाथि पहिलोपटक क्षेप्यास्त्र आक्रमण गरेको हो ।
इरानको इस्लामिक रिभोलुसनरी गार्ड कोर्प्स (आईआरजीसी)ले अमेरिका र इजरायललाई चेतावनी दिएको छ । आईआरजीसीले थप कुनै पनि आक्रमण भएमा अमेरिकी र इजरायली लक्ष्यहरूलाई लक्षित गरिने बताएको हो ।
यसैबीच, अमेरिकी राष्ट्रपति डोनाल्ड ट्रम्पले इरान र इजरायललाई एकअर्कामाथि आक्रमण नगर्न अपील गरेका छन् ।
फक्स न्यूजसँगको अन्तर्वार्तामा ट्रम्पले भने, ‘अब पुग्यो । म अहिले नै नेतान्याहूलाई फोन गर्नेछु र बदला नलिन भन्छु ।’
प्रतिक्रिया