काठमाडौं । मलेसियामा जारी एसिसी महिला प्रिमियर कपअन्तर्गत समूह चरणको अन्तिम खेलमा नेपाल हङकङसँग पराजित भएको छ ।
शनिबार भएको खेलमा नेपाल हङकङसँग ६९ रनले पराजित भएको हो ।
हङकङले दिएको ११० रनको लक्ष्य पछ्याएको नेपाल १३.३ ओभरमा ४० रन बनाएर अलआउट भयो ।
यसअघि टस हारेर पहिला ब्याटिङ गरेको हङकङले २० ओभरमा ३ विकेट गुमाएर १०९ रन बनाएको थियो ।
यो जितपछि हङकङको ३ खेलमा ६ अंक भएको छ र समूह ‘डी’ मा शीर्ष स्थानमा रहँदै क्वाटरफाइनलमा पुगेको छ ।
नेपाल पराजित भए पनि उपविजेता हुँदै क्वाटरफाइनलमा पुगेको छ ।
अब नेपालले समूह ‘ए’ को विजेतासँग खेल्नेछ ।
प्रतिक्रिया