आमिर खानकी भावी तेस्रो श्रीमती को हुन् ?

काठमाडौं । बलिउडका चर्चित अभिनेता आमिर खानले तेस्रोपटक विवाह गर्ने भएका छन् ।

६१ वर्षीय आमिरले गत वर्ष आफ्नी प्रेमिका गौरी स्प्राटसँगको आफ्नो सम्बन्धलाई सार्वजनिक गरेका थिए । एक वर्षको डेटिङपछि आमिर अब विवाह बन्धनमा बाँधिन तयार भएका हुन् ।

पछिल्लो मिडिया रिपोर्ट अनुसार, आमिरले गौरीसँग एक निजी समारोहमा विवाह गर्ने तयारी गरेका छन् । विवाह जुलाई ५ मा आमिरको घरमा हुनेछ । विवाहमा नजिकका साथीभाइ र परिवार उपस्थित हुनेछन् ।

आमिरले आफ्नो जीवनमा दुईपटक विवाह गरिसकेका छन् र दुवै श्रीमतीसँग सम्बन्ध विच्छेद गरिसकेका छन् । यद्यपि, सम्बन्ध विच्छेदको बाबजुद पनि आमिरले आफ्ना दुई पूर्वश्रीमती किरण राव र रीना दत्तासँग राम्रो सम्बन्ध कायम राखेका छन् ।

आमिरले २०२५ मा आफ्नो जन्मदिनमा गौरीसँगको आफ्नो सम्बन्धको पुष्टि गरेका थिए ।

आमिरभन्दा १४ वर्ष कान्छी गौरी बैंगलोरकी हुन् । उनी फेसन, सौन्दर्य र कल्याण उद्योगमा सक्रिय छिन् ।

गौरी पछिल्लो समय आमिर खानको निर्माण कम्पनीमा काम गर्दै आएकी छिन् । गौरीको पनि सम्बन्ध विच्छेद भएको थियो ।

आमिरले गौरीप्रतिको आफ्नो भावनाबारे एक अन्तर्वार्तामा बोलेका थिए ।

आमिरले भनेका थिए, ‘म त्यस्तो व्यक्तिको खोजीमा थिएँ जससँग म शान्तिमा रहन सकूँ, जसले मलाई सान्त्वना देओस् । अनि त्यसपछि मैले उन (गौरी)लाई भेट्टाएँ । मैले उनलाई परिस्थिति कसरी अगाडि बढ्छ भनेर बुझाउने प्रयास गरेको छु । मैले उनलाई यसको लागि केही हदसम्म तयार पनि गरेको छु । उनी यसको अभ्यस्त छैनन्, तर हामी आशा गर्छौं कि तपाईं हामीसँग दयालु हुनुहुनेछ ।’