प्रतिनिधि सभा बैठक बस्दै, के छ कार्यसूची ?

काठमाडौं । प्रतिनिधि सभा बैठक आज (सोमबार) बस्दैछ । बैठक बिहान ११ बजे सिंहदबारमा बस्ने भएको हो ।

आजको बैठकमा प्रतिनिधि सभा नियमावली मस्यौदा समितिका सभापति गणेश पराजुलीले ‘प्रतिनिधि सभा नियमावली मस्यौदा समितिको प्रतिवेदन, २०८३’ माथि विचार गरियोस् भन्ने प्रस्ताव प्रस्तुत गर्ने कार्यसूची छ ।

यस्तै, बैठकमा आ.व. २०८३/०८४ को लागि विनियोजन विधेयकका सिद्धान्त र प्राथमिकता सम्बन्धमा (कर प्रस्ताव बाहेक) छलफल प्रारम्भ हुने कार्यसूची छ ।