भारतीय विदेश सचिवलाई नेपाल भ्रमणको निम्तो पठाएको पुष्टि

काठमाडौं । भारतले आफ्ना विदेश सचिवलाई नेपाल भ्रमणका लागि औपचारिक निमन्त्रणा प्राप्त भएको पुष्टि गरेको छ।

मंगलबार आयोजित नियमित मिडिया ब्रिफिङमा भारतको विदेश मन्त्रालयका प्रवक्ताले भ्रमणको समय दुवै देशको सहमतिअनुसार तय हुने जानकारी दिए।

उनका अनुसार नेपाल र भारतबीचको सम्बन्ध केवल कूटनीतिक तहमा सीमित नभई राजनीतिक, आर्थिक तथा रणनीतिक सहकार्यसम्म फैलिएको छ। हालै मैरिससमा भएको भेटमा भारतका विदेशमन्त्री र नेपालका परराष्ट्रमन्त्री शिशिर खनालबीच द्विपक्षीय सम्बन्धका विभिन्न विषयमा छलफल भएको पनि उनले उल्लेख गरे।

भारतले पछिल्ला उच्चस्तरीय संवादहरूलाई दुई देशबीचको विश्वास र सहकार्य थप मजबुत बनाउने अवसरका रूपमा लिएको जनाएको छ। साथै आगामी दिनमा पारस्परिक हितका विषयमा समन्वय अझ विस्तार हुने अपेक्षा पनि व्यक्त गरिएको छ।