चितवन अटो शो मा १०० भन्दा बढी बुकिङ, एमएडब्लू ग्रुपका लागि मल्टी ब्रान्ड सफलता 

काठमाडौं । एमएडब्लू ग्रुपले चितवन अटो शो २०२६ लाई ऐतिहासिक उपलब्धिसहित सम्पन्न गरेको छ । भरतपुरस्थित चितवन एक्स्पो सेन्टरमा आयोजित कार्यक्रममा सहभागी अटोमोबाइल ब्रान्डहरूबाट संयुक्त रूपमा १०० भन्दा बढी बुकिङ प्राप्त भएको हो ।

कम्पनीका अनुसार नेपालको अटोमोबाइल क्षेत्रका विभिन्न सरोकारवालालाई एकै ठाउँमा ल्याएको यस कार्यक्रमले ग्राहकहरूमा एमएडब्लू ग्रुपप्रति विश्वास अझ बलियो बन्दै गएको र चितवन देशकै महत्वपूर्ण क्षेत्रीय अटोमोबाइल बजारका रूपमा तीव्र रूपमा विकास भइरहेको स्पष्ट संकेत दिएको छ ।

कम्पनीका अनुसार १०० भन्दा बढी बुकिङको यो उपलब्धि कुनै एक ब्रान्डको मात्र सफलता नभई एमएडब्लू ग्रुपअन्तर्गतका विविध अटोमोबाइल ब्रान्ड र मोबिलिटी समाधानहरूको संयुक्त सफलताको परिणाम हो । एउटै विश्वसनीय छातामुनि विभिन्न ब्रान्ड तथा सेवाहरू प्रस्तुत गर्दै एमएडब्लूले व्यक्तिगत सवारीसाधनदेखि व्यावसायिक यातायातसम्म ग्राहकका फरक–फरक आवश्यकताहरू पूरा गर्नसक्ने आफ्नो क्षमताको प्रदर्शन गरेको थियो । शो मा एमएडब्लूको एकीकृत उपस्थितिले नेपालकै अटोमोबाइल क्षेत्रमा यो समूहलाई बलियो र प्रभावशाली शक्तिका रूपमा स्थापित गरेको छ ।

कार्यक्रममा विशेषगरी फोटोन मोटर्सका लागि ल्याइएका आकर्षक अफरहरूले ग्राहकको उत्साह थप बढाएको थियो । खरिदकर्ताहरूलाई फ्यामिली रिट्रिट प्याकेज, ५५ इन्चको टेलिभिजन, रेफरल बोनस, गिफ्ट ह्याम्पर तथा विशेष नगद छुटजस्ता सुविधाहरू प्रदान गरिएको थियो । यी अफरहरूले अटो शोलाई केवल प्रदर्शनीमा सीमित नराखी ग्राहकका लागि लाभदायक र विश्वासिलो खरिद अवसरमा रूपान्तरण गरेको थियो ।

कार्यक्रममा फोटोन मोटर्सले ‘कमर्सियल भेहिकल’ सेग्मेन्टअन्तर्गत ‘बेस्ट एक्जिबिटर’ अवार्डसमेत प्राप्त गरेको थियो, जसले व्यावसायिक मोबिलिटीको क्षेत्रमा ब्रान्डको प्रभावशाली उपस्थिति र नेतृत्वलाई प्रमाणित गरेको छ ।

यस समग्र सफलतामा एमएडब्लू वृद्दि कमर्सियलले रणनीतिक रूपमा महत्वपूर्ण भूमिका निर्वाह गरेको थियो । ठूलो स्तरका यस्ता कार्यक्रममा समूहगत समन्वय र प्रभावकारी सहभागिता सुनिश्चित गर्ने क्षमतामा यसले थप मजबुती प्रदान गरेको छ ।

चितवन अटो शो मा एमएडब्लू ग्रुपमाथि विश्वास राख्दै बुकिङ गर्ने सम्पूर्ण ग्राहकप्रति यो उपलब्धि समर्पित रहेको कम्पनीले जनाएको छ । १०० भन्दा बढी बुकिङले केवल सवारीसाधनप्रतिको रुचि मात्र नभई एमएडब्लूको विश्वसनीय बिक्री सेवा, उत्कृष्ट आफ्टर सेल्स सपोर्ट तथा ग्राहकको दीर्घकालीन प्रतिबद्धताप्रतिको विश्वासलाई समेत प्रतिनिधित्व गरेको कम्पनीको भनाइ छ ।