डा. शेखर कोइरालाले गरे आफू निकट नेताहरुसँग अलग्गै छलफल

काठमाडौं । नेपाली कांग्रेसका नेता डा. शेखर कोइरालाले पार्टीको आन्तरिक विवादका सम्बन्धमा आफू निकटका नेताहरु तथा सरोकारवालाहरुसँग छलफल गरेका छन् ।

आइतबार काठमाडौंस्थित बिशालनगरमा रहेको आफ्नो सम्पर्क कार्यालयमा उनले नेपाली कांग्रेसले संसदीय दलको नेता अघि सार्न नसकी रहेको र पार्टीभित्र असन्तुष्टि बढिरहेको बेला आफू निकटहरुसँग छलफल गरेका हुन् ।

छलफलमा पुरुषोत्तम दाहाल, किशोर नेपाल, डा। दिनेश भट्टराई, मधुरमण आचार्य, हरिदर्शन श्रेष्ठ, शेरबहादुर केसी, उपेन्द्रकेशरी न्यौपाने, डा। बिनिता कार्की, जगदीश दाहाल, कुलचन्द्र वाग्ले, पुरञ्जन आचार्य, विष्णु बुढाथोकी, डा. उद्धव प्याकुरेल तथा जेन्जी युवाहरू अभिजित अधिकारी र करिना पुरी सहभागी भएका थिए ।

त्यसैगरी, छलफलमा कांग्रेसका प्रभावशाली नेताहरू डा। शशांक कोइराला, सुजाता कोइराला, धनराज गुरुङ, बद्री पाण्डे, जीवन परियार, एनपी साउद, डा. मिनेन्द्र रिजाल र डा. गोविन्दराज पोख्रेल पनि सहभागी भएका थिए ।

छलफलमा वर्तमान राजनीतिक अवस्था, पार्टीको आन्तरिक एकता तथा आगामी रणनीतिबारे विचार आदानप्रदान भएको जनाइएको छ ।