कर्मचारीलाई तीन महिना विदेश भ्रमणमा जान रोक

काठमाडौं । सरकारले आगामी तीन महिना विदेश नजान कर्मचारीलाई निर्देशन दिएको छ ।

प्रधानमन्त्री तथा मन्त्रिपरिषद्को कार्यालयले मन्त्रालय, आयोग र निकाय ९सबै०लाई पत्राचार गर्दै सबै कर्मचारीलाई आगामी तीन महिनासम्म विदेश भ्रमणमा रोक लगाएको हो ।

सरकारको गत चैत १३ गतेको निर्णयअनुसार स्वीकृत शासकीय सुधारसम्बन्धी एक सय कार्यसूचीको उच्च प्राथमिकतका साथ कार्यान्वयन भइरहेको सन्दर्भमा प्रधानमन्त्री कार्यालयले उक्त निर्देशन दिएको हो।

‘कर्मचारी वैदेशिक भ्रमणमा जाँदा उक्त एक सय कार्यसूचीको कार्यान्वयनमा बाधा उत्पन्न हुनसक्ने भएकाले वैदेशिक भ्रमणमा कुनै पनि कर्मचारीलाई मनोनयन नगर्न अनुरोध छु,’ प्रधानमन्त्री कार्यालयद्वारा जारी निर्देशनमा उल्लेख छ ।