इरानले भन्यो– अमेरिकी सर्तका कारण शान्ति वार्ता विफल

काठमाडौं । इरानले पनि इस्लामाबादमा अमेरिकासँगको शान्ति वार्ता विफल भएको बताएको छ ।

इरानको अर्ध–सरकारी तस्निम समाचार एजेन्सीका अनुसार अमेरिकी सर्तहरू अमान्य भएकाले सम्झौता हुन सकेन ।

इरानको प्रेस टिभीका अनुसार विवादको मुख्य मुद्दाहरूमा हर्मुजको जलडमरू र इरानको आणविक अधिकार विषय रहेको थियो । यसअघि अमेरिकी उपराष्ट्रपति जेडी भान्स पत्रकार सम्मेलन गर्दै युद्धविराम वार्ता असफल भएको बताएका थिए ।

‘हामी राम्रो नियतका साथ आएका थियौँ, तर शान्ति वार्ता कुनै निष्कर्षमा पुगेको छैन । इरान सर्तहरू स्वीकार गर्न तयार छैन । त्यसैले, हामी अमेरिका फर्कदैछौँ । इरानसँग धेरै मुद्दाहरूमा गतिरोध छ । हामी इरानले आणविक हतियार प्राप्त गरोस् भन्ने चाहँदैनौँ ।’ उपराष्ट्रपति भान्सले भने ।