१७ दिनदेखि बर्दिया राष्ट्रिय निकुञ्जमा बेपत्ता खत्रीको शव भेटियो

काठमाडौं । बर्दिया राष्ट्रिय निकुञ्जमा १७ दिनदेखि बेपत्ता रहेका टोपबहादुर खत्रीको शव फेला परेको छ ।

बराहताल गाउँपालिका–२ रानीघाटका खत्री साथीहरूसँग सिकार खेल्न गएकामा बेपत्ता भएका थिए ।

३३ वर्षीय खत्रीसहित बराहताल गाउँपालिका– १ का २५ वर्षीय रेशम समसेली, ४१ वर्षीय रविलाल दमाईं, ३४ वर्षीय रामबहादुर घर्ती, ३० वर्षीय सुनील समसेली, लेकबेँसी नगरपालिका– ८ का ४५ वर्षीय दुर्गाबहादुर सिजाली सिकार खेल्न गएका थिए ।

उनीसँगै सिकार खेल्न गएकाहरू भने फागुन २४ गते नै घर फर्किर फरार भएका छन् । उनीहरू गाउँ फर्किएर टोपबहादुरको मृत्यु भएको भन्दै राति नै फरार भएका थिए । उनीहरू भारत भागेको हुन सक्ने आशंका छ ।

खत्रीको के कारणले मृत्यु भएको भन्ने खुल्न सकेको छैन ।