हिन्द महासागरमा रहेको अमेरिकी बेसमा इरानले गर्‍यो मिसाइल प्रहार

काठमाडौं । इरानले हिन्द महासागरमा रहेको अमेरिका–बेलायतको संयुक्त सैन्य अड्डा डिएगो गार्सियामा ब्यालिस्टिक क्षेप्यास्त्र प्रहार गरेको छ । सीएनएनका अनुसार अमेरिकी अधिकारीहरूले यसको पुष्टि गरेको हो ।

रिपोर्टका अनुसार, इरानले दुईवटा क्षेप्यास्त्र प्रहार गर्‍यो, तर कुनै पनि बेसमा लागेन । यो बेस इरानी तटबाट करिब ३,८१० किलोमिटर टाढा छ । तेहरानबाट ५,००० किलोमिटरभन्दा बढी टाढा छ ।

डिएगो गार्सिया अमेरिकाको लागि एक महत्त्वपूर्ण सैन्य अड्डा हो । अमेरिकाले यस बेसबाट आफ्ना बमवर्षक विमानहरू प्रयोग गर्छ । साथै, अमेरिकाले यहाँबाट ठूला ट्याङ्कर विमानहरू र निगरानी विमानहरू पनि सञ्चालन गर्ने गर्छ ।