कुलमानको नेतृत्वमा उज्यालो नेपाल पार्टीले गठन गर्‍यो १४ सदस्यीय सचिवालय

काठमाडौं । उज्यालो नेपाल पार्टीले अध्यक्ष कुलमान घिसिङको नेतृत्वमा १४ सदस्यीय सचिवालय गठन गरेको छ ।

शुक्रबार मध्यरातसम्म बसेको बैठकले पार्टीको विधानमा कुल १५ जना पदाधिकारी रहने व्यवस्था भए पनि हाललाई ९ जनाको मात्र नाम टुंगो लगाएको हो । विधानअनुसार अध्यक्ष, वरिष्ठ नेता, दुई उपाध्यक्ष (एक जना महिला), महासचिव, दुई उपमहासचिव (एक जना महिला), सात सचिव (तीन जना महिला) र एक कोषाध्यक्ष रहने व्यवस्था छ ।

बैठकले अध्यक्षमा घिसिङ, वरिष्ठ नेतामा अनुपकुमार उपाध्याय, उपाध्यक्षमा प्रा.डा. महेन्द्र लावती, महासचिवमा धर्मबहादुर चौधरी, सचिवहरूमा रामेश्वर श्रेष्ठ, सुमी मोक्तान, जितराम लामा र केदार खड्का तथा कोषाध्यक्षमा भगवती कक्षपति चयन गरेको हो । पार्टी प्रवक्तामा श्री गुरुङ, सचिवालय सदस्यमा राजेन्द्र अवस्थी र मुख्यसचिवमा राजु थापालाई चयन गर्दै सचिवालयमा ल्याइएको छ । पार्टीको विधानमा भने मुख्यसचिव र प्रवक्ता पद उल्लेख छैन् ।