टाटाको स्प्रिंग एक्सचेन्ज क्याम्प आजबाट, पुराना गाडीसँग नयाँ टाटाको गाडी साँट्न सकिने

काठमाडौं । नेपालका लागि टाटा मोटर्सको एकमात्र अधिकारिक वितरक सिप्रदी ट्रेडिङ प्रालिले आज चैत ६ गतेदेखि चैत ८ गतेसम्म स्प्रिंग एक्सचेन्ज क्याम्प कार्यक्रम सुरु गर्दैछ । यस अफरअन्तर्गत पुरानो गाडीलाई डाउनपेमेन्ट राखेर टाटा मोटर्सको नयाँ ईभी र आइस रेन्जका गाडी लिन सकिने कम्पनीले जानकारी दिएको छ ।

कम्पनीका अनुसार यो अवधिमा जुनसुकै ब्राण्डका पुराना गाडीसँग टाटा ब्राण्डका पेसेन्जर श्रेणीअन्तर्गत नेपालमा सर्वाधिक रुचाइएका अत्याधुनिक प्रविधियुक्त टाटा गाडी साँट्न सकिनेछ । यो कार्यक्रम टाटा मोटर्सका देशभरका शोरुमहरूमा आयोजना हुनेछ । स्प्रिंग एक्सचेन्ज क्याम्प योजनाअन्तर्गत गाडी खरिद गर्ने ग्राहकहरूले आकर्षक छुट, आकर्षक एक्सचेन्ज बोनस, एक्सेसरिज, सिप्रदीको चार्जिङ नेटवर्कमा लाइफटाइम निःशुल्क चार्जिङ र १ वर्षको वार्षिक सवारी कर, निःशुल्क चार्जिङ बक्स जडान साथै हरेक बुकिङमा आकर्षक उपहारहरू प्राप्त गर्नसक्ने कम्पनीले जनाएको छ । बम्पर लकी ड्रमा आइफोन १७ प्रो पनि जित्न सकिनेछ ।

कम्पनीका अनुसार यस अवसरमा ग्राहकहरूले टाटा मोटर्सका नयाँ तथा अत्याधुनिक डिजाइन भएका उत्पादनहरू अवलोकन गर्न र टेष्ट ड्राइभ गर्न सक्नेछन् ।